Onların sürücüləri işdən azad olunacaq, məmurlara 2 500 AZN veriləcək
22-04-2025, 14:10 14 dəfə baxılıb
“Azəriqaz” İB-nin baş direktoru əmr imzalayıb. Əmrə əsasən, vəzifəli şəxslərin sürücüləri işdən azad olunacaq. Bu şəxslər öz maşınlarından istifadə edəcək və bunun üçün onlara yüksək məbləğdə, təqribən, 2000-2500 manat vəsait – maşının icarəsi və benzin pulu ödəniləcək. Bu halda Bakı və regionlar üzrə vəzifəli şəxslərlə işləyən və ayda 600-700 manat əmək haqqı alan, təxminən, 500-ə yaxın sürücünün işsiz qalması gözlənilmirmi?”Bu barədə hüquq müdafiəçisi Mirvari Qəhrəmanlı deyib.
“Bu halda bir RQİİ (Regional Qaz İstismar İdarəsi) rəisi təxminən, 2500 manat əmək haqqı, 2500 manat maşın icarəsi üçün 600 litr pulsuz benzin alırdı. Ona xidmət edən maşının sürücüsü isə 600-700 manat əmək haqqı alırdı. Sual olunur ki, ayrılmış icarə pulu maşının markasından, şəxsin vəzifəsindən, yoxsa iş vaxtı daha çox istifadədən asılıdır? Bu halda udan kim, uduzan kim oldu?”, – o bildirib.
Yenisabah.az
Xəbəri paylaş
