İsa Həbibbəylinin qardaşı gömrükdən yayınmağı haqda iddialardan danışdı
Bu gün, 14:08 85 dəfə baxılıb
AMEA-nın prezidenti İsa Həbibbəylinin qardaşı Yaqub Həbibbəyi Naxçıvan gömrüyündən vergi ödəmədən tekstil məhsulları idxal etməsi haqda iddialara aydınlıq gətirib.KONKRET.az xəbər verir ki, bu haqda “Yeni Sabah”a açıqlama verən Y. Həbibbəyli yayılan xəbərin həqiqətə uyğun olmadığını bildirib:
“Sizin saytınızda mənim haqqımda yayımlanan xəbərlə əlaqədar olaraq bildirirəm ki, Səhət Həbibbəylinin Naxçıvan Gömrük Komitəsinə rəhbərlik etdiyi dövrdə muxtar respublikanın gömrük xidmətindən bir dəfə də olsa, heç vaxt istifadə etməmişəm.
Sonrakı dövrdə də Naxçıvan Gömrük xidmətinə heç bir müraciətim olmayıb”.
Qeyd edək ki, sözügedən xəbəri araşdırmaçı jurnalist Cavanşir Həsənli sosial şəbəkə hesabında paylaşmışdı. Xəbərdə iddia olunurdu ki, İ. Həbibbəylinin qardaşı Yaqub Həbibbəylinin Türkiyədən Azərbaycana tekstil idxalı ilə məşğul olub və S.Həbibbəylinin vəzifəsindən istifadə edərək, onu gömrük rüsumu və vergilərdən yayındırıb: “Səhət Həbibbəyli Naxçıvan Gömrük Komitəsinin rəhbəri olarkən o, Türkiyədən gətirdiyi malları gömrük qeydiyyatına aldırmadan sərbəst keçirib. Araşdırılsın görək 2021/11/14 tarixində “Türkaylar” tekstil sanayi ve ticaret anonim şirkətindən Yaqub Həbibbəylinin adına alınmış 11 ton 750 kq çəkisi olan (21079,50 dollar dəyərində) ipliklər gömrük qeydiyyatında keçib yoxsa yox?!”
Xəbəri paylaş
