ADNSU ilə bağlı qalmaqal davam edir - "Cümlə qura bilmir..."
13-01-2025, 11:12 119 dəfə baxılıb
"Azərbaycan Neft və Sənaye Universitetində bir filosof var. Yaşar Əhmədov. Bu adamın səhifəsinə baxın, cümlə qura bilmir. Kollec tələbəsindən aşağı səviyyədə mənim ADNSU ilə bağlı bir müsahibəmə "cavab verib". Statusu başdan-ayağa böhtandır. Yazır ki, AZİİ-nin keçmiş rektoru akademik Tofiq Əliyev məni otağından qovub. Bu Yaşarın cümlə qura bilməməsini qoyuram bir tərəfə. Məni onun Tofiq Əliyev kimi ləyaqətli, zadəgan, əsl təhsil və elm təşkilatçısının adını çəkməsi hiddətləndirdi".Pravda.az xəbər verir ki, bu sözləri Milli Məclisin sabiq deputatı Etibar Əliyev deyib.
"Bu cümlə qura bilməyən "filosof"a qandırmaq istəyirəm ki, mənim rəhmətlik Tofiq Əliyevlə çox isti münasibətim olub və Elm və Təhsil Nazirliyində işləyərkən AZİİ-ni yoxlayan komissiyanının tərkibində onun müsbət fəaliyyətini təqdir edən arayışa imza atmışam. Yazır ki, bu ölkədə hamı hamını yaxşı tanıyır. Düz deyir. Başını kola soxub, elə bilir ki, görünmür. Adının əyri işlərdə ön sırada olmasını bütün tələbələr və AZİİ-nin kollektivi çox gözəl bilir. Bu statusum vasitəsilə ADNSU-nun rektor əvəzi hörmətli Vazeh Əsgərova müraciət edirəm: Bu cür savadsız və böhtançı adamları işdən azad etsəniz, cəmiyyət sizi mütləq təqdir edəcək", - sabiq deputat bildirib.
Xəbəri paylaş
