AQTA 11 çörək istehsalı müəssisəsində nöqsanlar aşkarlayıb

3-04-2023, 11:18

108 dəfə baxılıb

Azərbaycan Qida Təhlükəsizliyi Agentliyi (AQTA) çörək istehsalı müəssisələrində keçirilən monitorinqlərin nəticəsini açıqlayıb. Monitoqinqin nəticəsinə görə 11 çörək istehsalı müəssisəsində nöqsanlar aşkarlanıb.
AQTA-dan verilən məlumata görə, cari dövr ərzində 103-ü yerli və 5-i idxal edilən məhsul olmaqla, ümumilikdə 108 nümunə götürülüb.
Bunlardan 86-sı buğda, 22-si çovdar unundan hazırlanmış çörəklər olub. Nümunələrin sınaq nəticəsinə əsasən, 97 məhsul qida sahəsində normativ sənədlərin tələblərinə cavab verib. 11 müxtəlif istehsalçıya məxsus eyni sayda çörəklərdə isə uyğunsuzluqlar (kif və maya göbələkləri) aşkarlanıb.
Aşkar olunmuş uyğunsuzluqlarla bağlı 11 müəssisədə keçirilmiş plandankənar yoxlamalar zamanı 2 müəssisədə yoxlamanın nəticəsi qənaətbəxş olub. 9 müəssisədə qida təhlükəsizliyi sahəsində texniki normativ hüquqi aktların pozulması ilə bağlı 47 nöqsan aşkar edilib. Həmin nöqsanlarla bağlı inzibati protokol tərtib olunub və nöqsanların aradan qaldırılması üçün vaxt verilib. Sözügedən müəssisələrdən 3-də ciddi pozuntular aşkar edildiyinə görə məhdudlaşdırıcı tədbirlərin tətbiqi barədə qərar qəbul edilib.
AQTA qeyd edir ki, laborator nəticələri uyğunsuz olan çörək məhsullarının istifadəyə yararlılığı qida təhlükəsizliyi baxımından məqsədəuyğun hesab edilmir.
Laborator nəticələri uyğunsuz olan çörək istehsalçıları barədə məlumatlar aşağıdakı kimidir:

№	Müəssisə	Ünvan
1	“Magnat Group” MMC	Bakı şəhəri, Binəqədi rayonu, Binəqədi ştq, İ.Dadaşov küçəsi, ev 68a
2	Fiziki şəxs Yusubova Təhminə Yusub qızı	Abşeron rayonu, Məhəmmədi kəndi
3	Fiziki şəxs Süleymanlı Süleyman Dadaş oğlu	Cəlilabad şəhəri, S.Vurğun küçəsi 30
4	Fiziki şəxs Hacıyev FazilBəhlul oğlu	Cəlilabad şəhəri, S.Vurğun küçəsi 7
5	Fiziki şəxs Rəcəbov QurbanMalik oğlu	Lənkəran şəhəri, H. Abdullayeva küçəsi 27
6	Fiziki şəxs İbrahimova Qəribə Rüstəm qızı	Gəncə şəhəri, N.Nərimanov küçəsi 54
7	“Arizoğlu” MMC	Gəncə şəhəri, 1-ci mkr
8	“Beyləqan Taxıl” ASC-nin çörək bişirmə müəssisəsi	Füzuli rayonu, Horadiz şəhəri
9	“Bərdə-Çörək” ASC	Bərdə rayonu, S.Vurğun küçəsi 18
10	Fiziki şəxs MəmmədovaArzu Nəsir qızı	Bərdə rayonu, M.Ə.Sabir və H.Aslanovküçələrinin kəsişməsi
11	Əhmədov Elnur Namizəd oğlu	Yevlax şəhəri, H.Əliyev prospekti 101