“RUSİYA MÜHARİBƏ BİTMƏMİŞ DAĞILA BİLƏR” - Hərbi kəşfiyyatın rəisi
14-04-2023, 12:23 68 dəfə baxılıb
“Rusiya “seysmik dəyişikliklər” astanasındadır və bu, nəinki Ukraynada müharibənin bitməsinə, hətta Rusiyanın dağılmasına gətirib çıxaracaq”. “AzPolitika.info” xəbər verir ki, bunu Ukrayna hərbi kəşfiyyatının rəisi, general Kirill Budanov ABC News kanalına müsahibəsində deyib.
Budanov Rusiyanın hələ müharibə bitməmiş dağıla biləcəyini deyib və bu ölkənin parçalanacağını, sərhədlərinin dəyişəcəyini bildirib: “Sərhədləri dəyişmək olar. Bu, süni yaradılan səhvdir və indi bu ölkənin çöküşünün zamanı yetişib”.
Bununla yanaşı, ukraynalı general Kremlin nüvə hədə-qorxularına ironiya ilə yanaşıb və qeyd edib ki, rus ordusunun Ukraynada qış hücum kampaniyası tam iflasa uğrayıb və böyük sayda itkilər hesabına çox cüzi irəliləyiş əldə olunub.
Budanov onu da əlavə edib ki, Ukrayna mütləq Krım üzərində nəzarəti bərpa edəcək.
Xəbəri paylaş
