Putinin 187 milyonluq “balıqçı daxması”... - Foto
24-06-2022, 13:50 73 dəfə baxılıb
Kareliyada (Rusiya Federasiyasının tərkibində respublika) Ladoqa gölü yaxınlığında yerləşən Rusiya Prezidenti Vladimir Putinə məxsus dəbdəbəli iqamətgahla bağlı araşdırma dərc edilib.“Qafqazinfo” “unian.net”ə istinadən xəbər verir ki, araşdırma “Meduza”nın jurnalistləri tərəfindən mülkün ətrafında abadlıq işləri aparan tikinti şirkətlərinin sənədləri əsasında aparılıb.
Layihələndirildiyi memarlıq agentliyinin saytında bu ev “balıqçı daxması” adlandırılıb. Müəyyən edilib ki, bina və ətraf ərazilər Putinin dostu, tez-tez “Putinin bankı” adlandırılan “Rossiya” bankının əsas səhmdarı Yuri Kovalçukun nəzarətində olan bir neçə şirkətə məxsusdur.
“Balıqçı daxması” adlandırılan bu ev açıq havada böyük yeməkxanası olan ikimərtəbəli futuristik binadan ibarətdir. 200 kvadratmetrlik qonaq otağı bahalı restoranda olduğu kimi manqal, qazanxana, təndir ilə təchiz olunub. Döşəmənin böyük bir hissəsi “Fior di Bosco” mərmərlə örtülüb, qiyməti 110.000 dollardır.
Evdə 345 min avro dəyərində Avstriya avadanlığı ilə təchiz edilmiş pivə zavodu var. Burada gündə 47 litr pivə istehsal etmək olar. İkinci mərtəbədə isə Ladoqa gölünə baxan çayxana var.
Həmçinin bağ evində iki kiçik hovuz da var. Evin yaxınlığında təbii şəlalə axır. Şəlalə əvvəllər turistik məkan olub, lakin indi ziyarətçilər üçün bağlıdır.
Evin tam hazır olmasa da, təxmini dəyəri 187 milyon rubl (təxminən 5,9 milyon manat) qiymətləndirilir.
Xəbəri paylaş
