Zelenski Rusiya ilə atəşkəs müzakirələrini təkzib etdi – Ukrayna lideri Makrondan nə istəyib?
11-10-2024, 12:41 100 dəfə baxılıb
Ukrayna Prezidenti Vladimir Zelenski Fransalı həmkarı Emmanuel Makronla ölkəsinin Rusiyaya qarşı müdafiə müharibəsində “qələbə planını” müzakirə edib.Qərb mediası xəbər verir ki, Ukraynanın yeni qış mövsümü öncəsi və ölkənin şərqində davam edən döyüşlər fonunda dəstəyə ehtiyacı var. O, cəbhədəki çətin vəziyyəti və bəzi silah növlərinin böyük çatışmazlığını etiraf edib.
Zelenski “Teleqram”-da yazıb: “Makronla döyüş meydanındakı vəziyyəti və mövqelərimizi gücləndirən və Avropanın töhfə verə biləcəyi amilləri müzakirə etdik. Bunlar arasında silahların birgə istehsalı perspektivləri müzakirə olunub”.
Makronla danışıqlardan sonra Zelenski Avropa liderləri ilə Rusiya ilə müharibədə mümkün atəşkəs şərtlərini müzakirə etdiyinə dair fikirləri rədd edib. O, bu cür mesajları Moskvanın dezinformasiya cəhdləri adlandırıb.
Zelenskinin Fransaya 2022-ci ilin fevralında Rusiyanın Ukraynaya qarşı genişmiqyaslı müharibəsinin başlamasından bəri beşinci dəfədir səfər edir. Paris Zelenskinin ABŞ-də prezident seçkiləri ərəfəsində Ukraynaya dəstək zəmanəti almağa çalışdığı Qərbi Avropaya ölkələri arasında ikinci dayanacağıdır.
Günün əvvəlində Ukrayna Prezidenti Londona səfər edib və burada Böyük Britaniyanın baş naziri Keir Starmer və NATO-nun baş katibi Mark Rutte ilə görüşüb. Starmer deyib ki, məsləhətləşmələr zamanı onlar Zelenskinin Rusiya Federasiyası ilə müharibədə Ukrayna üçün “qələbə planı”nı müzakirə ediblər.
Xəbəri paylaş
