“Biabırçılıq olacaq” – Papa Trampın bu addımını pislədi
21-01-2025, 12:32 64 dəfə baxılıb
Roma Katolik Kilsəsinin rəhbəri Papa Fransisk ABŞ Prezidenti Donald Trampın kütləvi deportasiya çağırışlarını pisləyib.“AzPolitika” xəbər verir ki, ikinci dəfə prezident seçilən Tramp administrasiyasının çərşənbə axşamından etibarən Çikaqoda kütləvi deportasiyalar həyata keçirəcəyi gözlənilir.
Trampın bu qərarına münasibət bildirən Papa Fransisk yeni ABŞ liderinin addımını “rüsvayçılıq” adlandırıb.
“Əgər bu doğrudursa, bu, biabırçılıq olacaq. Çünki o bütün hesabı heç nəyi olmayan kasıb insanların üzərinə yükləyir”,- deyə o, bildirib.
Xatırladaq ki, prezident səlahiyyətlərini rəsmən icra etməyə başlayan Trampın ilk günlərdən ABŞ-də qanuni immiqrasiya yollarını ləğv etməyə və kütləvi deportasiyalara başlayacağı gözlənilir.
Xəbəri paylaş
