Yeni icra başçısı Salyanın yollarının təmirini bu şirkətə həvalə etdi - 766 minlik müqavilə
15-10-2024, 13:29 105 dəfə baxılıb
Salyan rayonunda yolların əsaslı təmir işləri aparılacaq.
İqtisadiyyat.az xəbər verir ki, Salyan Rayon İcra Hakimiyyəti bununla bağlı hazırlıqlara başlayıb.
Təmir olunması nəzərdə tutulan yolların adları açıqlanmasa da, RİH bu işləri "İS.MM" şirkətinə həvalə edib.
Təmir işləri ilə bağlı RİH-lə şirkət arasında 766.767,3 manat dəyərində müqavilə bağlanılıb.
Qeyd edək ki, "İS.M.M." MMC 2004-cü ildə dövlət qeydiyyatına alınıb. Nizamnamə kapitalı 2 897 170 manat olan şirkətin qanuni təmsilçisi Xudiyev Nadir Bilman oğludur.
Xatırladaq ki, Salyan Rayon İcra Hakimiyyətinin başçısı Rüstəm Xəlilovdur. O, ötən ay Hacıqabul Rayon İcra Hakimiyyətinin başçısı vəzifəsindən azad edilərək, Salyan Rayon İcra Hakimiyyətinin başçısı təyin olunub.
Xəbəri paylaş
