Mərkəzi Bank "Milla" süd zavoduna iki protokol yazdı - Ölkədən valyuta çıxarılıb, amma geri qaytarılmayıb
2-12-2024, 11:51 94 dəfə baxılıb
"Milla" süd zavodunu idarə edən "Milla Dairy" MMC-yə iki protokol yazılıb.Pravda.az-ın xəbərinə görə, Mərkəzi Bank protokolları İnzibati Xətalar Məcəlləsinin 430.4-cü (Avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə vəzifəli şəxslər inzibati xətanın bilavasitə obyekti olmuş valyuta vəsaiti məbləğinin on faizindən iyirmi faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilir) maddəsinə əsasən tərtib edib.
İşlər Abşeron Rayon Məhkəməsinin hakimi Şəfəq Məmmədovanın icraatındadır. Baxış iclaslar dekabrın 9-da keçiriləcək.
Xəbəri paylaş
