"İsa Həbibbəyli dedi ki, ya oranı seç, ya da buranı" - İstefa verən direktor
7-06-2024, 11:40 267 dəfə baxılıb
Xəbər verdiyimiz kimi, Azərbaycan Milli Elmlər Akademiyasının Folklor İnstitutunun direktoru Muxtar İmanov tutduğu vəzifədən istefa verib.Məsələ ilə bağlı "Unikal"a danışan Muxtar İmanov istefasının səbəbini açıqlayıb:
"Mən Folklor İnstitutunda direktor olduğum zaman eyni vaxtda Azərbaycan Dillər Universitetində ictimai əsaslarla kafedra müdiri idim. İctimai əsasla çalışmaq o deməkdir ki, burada heç bir hüquq pozuntusu yoxdur və mən oradan pul da almırdım. ADU-da yarımştat dərs deyirdim.
AMEA-nın prezidenti İsa Həbibbəyli məni çağırıb dedi ki, 2 yerdə işləməyinlə bağlı səndən narazılıq var. Bildirdi ki, ya oranı seç, ya da buranı.
Mən də ADU-nu seçdim və AMEA-dakı vəzifəmdən istefa verdim.
Hazırda ADU-da tam ştat "Azərbaycan ədəbiyyatı" kafedrasının müdiriyəm və dərs deyirəm", - deyə o qeyd edib.
Murad İbrahimli
***
11:50
Azərbaycan Milli Elmlər Akademiyasının Folklor İnstitutunun direktoru Muxtar İmanov tutduğu vəzifədən istefa verib.
"Unikal" yenisabah.az-a istinadən xəbər verir ki, onun istefa ərizəsini dünən iş gününün sonunda köməkçisi vasitəsilə AMEA prezidentinə təqdim etdiyi bildirilir.
Xəbəri paylaş
