Mikayıl Cabbarovun “dayı” dediyi Yusif Yusibov GDU-da nə kimi işlər çevirir

21-10-2024, 12:01

107 dəfə baxılıb

Hal-hazırda işi korrupsiyada olan, cinayətkar əməllərinə görə bir neçə gün saxlanan, heç bir elmi dərəcəsi olmayan idman müəlliminin Pedaqoji fakültədə dekan işləməsi hansı qanuna sığır cənab Yusibov???

Kollektivin içərisinə gedəndə ətrafınıza çəpər çəkib gedirsiz, ətrafınız Sizi tamamilə kollektivdən təcrid edib

Redaksiyamıza Gəncə Dövlət Universitetinin bir qrup əməkdaşı adından rektor Yusif Yusibova ünvanlanmış müraciət daxil olub. Müraciətdə universitetdə yaşanan müxtəlif problemlərdən, özbaşınalıq faktlarından bəhs olunur… Biz səslənən iddialarla bağlı qarşı tərəfi də dinləmək istədik. Təəssüf ki, bu istiqamətdəki cəhdlərimiz nəticəsiz oldu.
Aktuallığını nəzərə alıb, müəyyən düzəlişlərlə müraciəti dərc edirik:

Sayın rektorumuz, dəyərli Yusif müəllim.
Sizi universitetdə görə bilmirik, qəbul saatlarınız olmadığından qəbulunuza da girə bilmirik, ona görə də məcbur olub, sosial şəbəkələr və mətbuat vasitəsi ilə Sizə müraciət edirik. Azərbaycanda haqqında yazılan, haqqında ən çox şikayət olunan təhsil müəssisəsi Gəncə Dövlət  Universitetidir.
   Amma nə fayda???
Təhsil naziri Emin Əmrullayev bununla bağlı tədbir görmək istəsə də cənab rektor Sizin qarşınızda açizdir, Sizinlə bacarmır, çünki Sizi müdafiə edən qüvvələr ölkədə xüsusi nüfuza malik adamlardır. Siz yaxın ətrafınız ilə yemək-içmək məclislərində dəfələrlə qeyd edibsiz ki, o zamankı təhsil naziri Mikayıl Cabbarov mənə dayı deyir. Ceyhun Bayramovla, Maliyyə naziri Samir Şərifovla isti münasibətlərinizdən yaxın ətrafınıza həvəslə danışmaqdan doymursuz. Təbii ki, bu adamlar da öz dayısı haqqında mənfi xəbərlərin ölkə başçısına çatdırılmasının qabağını almaq üçün xüsusi tapşırıqlar verib.
Yeri gəlmişkən, Yusif Yusibovun qardaşı Cavanşir Yusibov Maliyyə Nazirliyinin Aparat rəhbəridir. Universitetdə özbaşınalıqlar baş alıb gedir. Bu yaxınlarda universitetin akkreditasiyası keçirildi. Akkreditasiyanın  nəticələrini hazırlayan komissiyanın universitetə çoxlu iradları olub. Lakin rektor kimi bu iradları qəbul etmirsiz. Bu iradlardan biri Pedaqoji fakültədə dekanın, kafedra müdirlərinin ixtisasına və dərəcəsinə görə tutduqları vəzifəyə uyğun olmaması ilə bağlıdır. Hal-hazırda işi korrupsiyada olan, cinayətkar əməllərinə görə bir neçə gün saxlanan, heç bir elmi dərəcəsi olmayan idman müəlliminin Pedaqoji fakültədə dekan işləməsi hansı qanuna sığır cənab Yusibov???
Ümumi pedaqogika kafedrasının müdiri Şahin Tağıyev fizika-riyaziyyat ixtisasını bitirib, baza təhsili uyğun  gəlməsə  də Ümumi pedaqogika kafedrasının müdiri işləyir. Akkreditasiya komissiyasının bu haqda olan iradını niyə qəbul etmək istəmirsiz cənab Yusifov???
Cavabını deyək, bilin cənab rektor. Bir vaxtlar rəhmətlik Əliqulu Quliyev Sizin kəsən qılıncınz idi. Hamını onunla qorxudur, onu müxtəlif komissiyalara salıb, onun vasitəsi ilə ona-buna təzyiq edirdiz. O, rəhmətə gedəndən sonra  bu  funksiyanı ŞahinTağıyevə vermisiz. Müxtəlif şəxslərin fəaliyyətini ona yoxladırsınız, ona xüsusi səlahiyyət verib,  əməkdaşları qorxu içində saxlayırsınız və özünüzdə buşəxsdən möhkəm qorxursunuz. Ona görə də ona xüsusi imtiyazlar verirsiz.
Magist tələbələrin dissertasiya işinə, elmi məqaləyə görə dərisini soyan, bəzi magistrlərə özbaşına icazə verən, ona-buna rüşvət müqabilində dissertasiya yazıb, elmi dərəcə və elmi ad alveri ilə məşğul olan bu professorun hərəkətlərini  sanki görmürsüz. Çünki, Sizin ona bu güzəştlərinizin əvəzində o da Sizə xüsusi mədhiyyələr deyir, cünki, “əl əli yuyar, əl də üzü”….
Allahverdi Quliyev o zamankı V.İ.Lenin adına ADPİ-nin Ümumi texniki fənlər və fizika ixtisasını bitirib. Baza təhsili uyğun gəlməsə də Təhsilin pedaqogikası və metodikası kafedrasının müdiridir. Akkreditasiya komissiyasının üzvü Leyla xanımın suallarına belə cavab verə bilməyən, gənc bir xanımın qarşısında qan-tərə batan bu kafedra müdirləri  haqda olan iradları niyə qəbul etmirsiz, cənab rektor???
Olmazmı, Pedaqoji fakültəyə oradakı ixtisaslara uyğun dekan və kafedra müdirləri seçilsin. Bilirsiz ki, Pedaqoji fakültədəki ixtisasların kökündə ən əsas İbtidai sinif müəllimliyi, Məktəbəqədər təhsil, Psixologiya və Musiqi  müəllimliyi ixtisasları durur. Dərəcəsi olmayan idman müəlliminin bu fakültədə dekan işləməsi bir az absurd deyilmi, cənab rektor???
Biologiya elmləri üzrə fəlsəfə doktorunun İqtisadiyyat və idarəetmə fakültəsində dekan olmağı hansı məntiqə uyğundur, cənab Yusibov???
Akkreditasiya komissiyasının iradlarından biri də, maddi- texniki bazanın zəif olması, laboratoriyalarda tədris üçün cihaz və avadanlıqların olmamasıdır.
Hörmətli rektor, Siz rektor işlədiyiniz müddətdə universitetə parta, yazı lövhəsi, stol-stul və şkafdan başqa nə alıbsız??? Laboratoriyalarda olan cihaz və avadanlıqlardan sabiq mərhum rektor Şaiq Şıxkərimovun nəfəsi gəlir. Yalnız özünüzün işlədiyiniz Kimya kafedrasına laboratoriya avadanlığı almısız. Bir də maşın həvəskarı olduğunuzdan tez-tez müxtəlif tipli bahalı, müasir xidməti maşınlar alırsız. Birini də indi gətirirsiniz, сan sağlığı ilə işlədin, gözəl səfərlərə sürün.
GDU-dakı xidməti maşınların sayı həddən artıq çoxdur. Universitetdə çox ali məktəblərdə olmayan Elektron universitet layihəsi üzrə Eduman sisteminə keçibsiz. Amma alıb binalara verdiyiniz notbukların heç biri işləmir, harda keyfiyyətsiz avadanlıq var, onu alırsız universitetə. Real qiyməti ucuz olan bu keyfiyyətsiz  notbukların  qiymətləri sənədlərdə “od tutub yanır”. Bu işləməyən notbukların ucbatından müəllimlər qeydiyyatdan keçə bilmir, dərsin vaxtının hamısı bu qeydiyyata gedir, gedib müxtəlif otaqlarda bir-iki dənə işləyən kompüterlərdə  qeydiyyatdan keçirlər. Əgər elektron universitetə keçilibsə, tələbələrə orada avtomatik qaib qoyulur, görəsən bu yoxlamalar nə üçündür???
Tələbələrin davamiyyətini yoxlayan adamların sayı-hesabı yoxdur. Prorektorların (Şahin müəllimin, Gülsüm müəllimin, elmi katib Seymur müəlliminvəs.) öz komissiyası var, Sizində öz komissiyanız. Maraqlıdır ki, universitetin İdman klubunun müdiri Xəqani müəllimin də öz komissiyası var. Bu komissiyalarında heç biri digərinin yoxlamasına sanki inanmır.
Dərslərə biri girir, biri çıxır, dərsin bütün vaxtı mənasız yoxlamalara gedir. İş gör nə yerə çatıb ki, Universitetdə olan İdman klubunun tədris nə olduğunu bilməyən, adını düz-əməlli yaza bilməyən həkimi belə gəlib dərslərdə tələbənin davamiyyətini yoxlayır. Cənab Yusibov, bu nəzarət fakültə dekanına, tyutor xidmətinə aiddir. Dekanların hamısını Siz təyin etmisiz cənab rektor. Əgər dekanlara inanmırsızsa, ərizəsini alın, işdən azad edin, kənardan gətirilmiş istədiyiniz şəxsi təyin edin (onsuz daşəhərdə avara adam qalmayıb, hamını hərşeyşünas prorektorunuz gətirib universitetdə işə düzəldir) və dərsin vaxtını alan bu biabırçı yoxlamaları yığışdırın. İdman klubunda iynə vuran həkim xala qoy getsin, öz xəstəsi ilə məşğul olsun.
Universitetin tələbə yataqxanasında qalan tələbələr narazılıq edir. Onların valideyni tələbə olduqları üçün hərdən onlara hazır yemək göndərir. Siz icazə vermirsiniz ki, tələbələr qaldıqları otaqda həmin yeməyi qızdırıb yesin. Otaqları yoxlatdırırsız, səbəb odur ki, hamı getsin Sizin kurasiyanızda olan bufetdə yesin, Sizin alveriniz getsin.
Universitetin tədris binalarındakı bufetlərlə bağlı da akkreditasiya komissiyasının iradları kifayət qədərdir. Bunlar hamısı doğrudur, cənab rektor, çünki, bufetlərin heç birində peçenye və peraşkidən başqa heç nə verilmir. Gəncədəki digər universitetlərin bufetində sulu və müxtəlif tipli isti yeməklər verilir, həm də bu yeməklər tələbə üçün uyğun qiymətə verilir. Bizim tələbə bufetlərində isə adi çay 1 manat 50 qəpik- 2 manata, peçenyelər dəyərindən dəfələrlə  baha qiymətə satılır. Bu bufetlərin demək olar ki, əksəriyyəti prorektor Şahin müəllimin, dolayı yolla Sizin kurasiyanızdadır. Bufetlərdə tələbələrə nə vaxt isti yemək veriləcək, sayın rektor????

Universitetdə Tədris departamentində, İnnovasiyalar departamentində çoxlu lazımsız şöbələr var. Bu şöbələrin nə işlə məşğul olduğu belə məlum deyil. Birinin işi məlum oldu. Qüdrət müəllimin, diplom şirinliyi videosu unilər arasında  rekord vurdu. İnnovasiyalar departamentinin işi zatən hamıya aşkardır, universitetuin pullarını xarici ölkələrdə  layihə adı altında dağıtmaqla məşğuldur. Bugünə qədər universitetin tələbələri və ya müəllim kolllektivi bu layihələrdən heç bir xeyir görməyib, bu layihələr isə yalnız pul silməyə xidmət edir.
Ona görə də cənab rektor, Akkreditasiya komissiyasını ittiham etməyin,fəaliyyətinizi düzəldin, kollektivin  qayğısına  qalın, universitetdə normal iş şəraiti və tədris mühiti yaradın. Respublikada yeganə şəxssiz ki, Sizin qəbul gününüz yoxdur, kollektivin içərisinə çıxın, özü də tək çıxın, qoy bu kollektiv illərdir deyə bilmədiyi, içində saxladığı problemləri və təklifləri Sizə desin. Kollektivin içərisinə gedəndə ətrafınıza çəpər çəkib gedirsiz, ətrafınız Sizi tamamilə kollektivdən təcrid edib. Kabinetdə oturub, böyük bir müəssisəni idarə etmək qeyri-mümkündür.
Ümid edirik ki, kollektivin təkliflərini nəzərə alacaqsınız./yenixeber.org