Zakir Quliyevin rəhbəri olduğu Su Meliorasiya Xidməti köhnə ənənələri indi də belə davam etdirir

28-10-2024, 13:19

151 dəfə baxılıb

Regional Su Meliorasiya Xidməti Subartezian nasos aqreqatları üçün sarğı naqilləri və güc kabellərinin satın alınması (PVDP) (VPP) üzrə 16.08.2024-cü ildə başladığı açıq tender müsabiqəsinə yekun vurub. Xidmət “TEXİNVEST” Məhdud Məsuliyyətli Cəmiyyəti ilə 699.940,6 manat məbləğində satınalma müqaviləsi bağlamğı planlaşdırır. Bu barədə məlumat dövlət satınalmalarının vahid internet portalına 24.10.2024-cü ildə yerləşdirib. Qeyd edək ki, “Regional Su Meliorasiya Xidməti” Publik hüquqi şəxsi sarğı naqilləri və güc kabellərinin satın alınacaq ehtimal olunan qiymətini 1.005.242,00 manat müəyyən etmişdir. Bu məbləğə qarşı təchizatçının təklif etdiyi qiymət ciddi şübhələrə yol açır,
Bundan əlavə Regional Su Meliorasiya Xidməti “Kompüter və avadanlıqlar”ın satın alınması üzrə 02.09.2024-cü ildə başladığı açıq tender müsabiqəsinə yekun vurub. Xidmət “AZİMUT TƏCHİZAT” Məhdud Məsuliyyətli Cəmiyyəti ilə 170.569 manat məbləğində satınalma müqaviləsi bağlamğı planlaşdırır. Bu barədə məlumat dövlət satınalmalarının vahid internet portalına 24.10.2024-cü ildə yerləşdirib. Regional Su Meliorasiya Xidməti kompüter və avadanlıqların satın alınacaq ehtimal olunan qiymətini 340.376,61 manat müəyyən etmişdir.
“Regional Su Meliorasiya Xidməti” Publik hüquqi şəxsi qəza və təmir-bərpa işlərinin aparılmasında istifadə olunan alət və avadanlıqların satın alınması üzrə 08.08.2024-cü ildə başladığı açıq tender müsabiqəsinə yekun vurub. Xidmət “KASKAD – HİDRO M” Məhdud Məsuliyyətli Cəmiyyəti ilə 877.955,4 manat məbləğində satınalma müqaviləsi bağladığını dövlət satınalmalarının vahid internet portalına 15.10.2024-cü ildə yerləşdirib.
Qeyd edək ki, “Regional Su Meliorasiya Xidməti” Publik hüquqi şəxsi satın alınacaq alət və avadanlıqların ehtimal olunan qiymətini 1.806.946,00 manat müəyyən etmişdir.
Dövlət satınalmalarının vahid internet portalına yerləşdirilmiş bu məlumatlardanda görsəndiyi kimi satınalan təşkilat olaraq Regional Su Meliorasiya Xidməti müəyyən etdiyi ehtimal qiymətləri ilə təchizatçıların təklif edərək qalib seçildiyi qiymətlər arasında kəskin fərq var.
Qeyd edək ki, “Dövlət Satınalmaları haqqında” Azərbaycan Respublikasının Qanununda təchizatçıların satınalmadan kənarlaşdırılması müəyyən edilib. Sözügedən Qanunun 35.1.8. maddəsinə görə təchizatçının təqdim etdiyi təklifin qiyməti ehtimal olunan qiymətlə müqayisədə 20 faizdən aşağı olarsa, satınalma komissiyasının sorğusu əsasında təchizatçının təqdim etdiyi izahat və məlumatlar təhlil edildikdən sonra satınalma müqaviləsinin icrasına əsaslı şübhələr qaldıqda təchizatçı müsabiqədən kənarlaşdırılmaldır.
Amma göründüyü kimi Regional Su Meliorasiya Xidməti hər üç açıq tender müsabiqəsində ehtimal olunan qiymətlə müqayisədə 20 faizdən dəfələrlə aşağı qiymət təqdim etmiş MMC -lər ilə satınalma müqavilələri bağlamışdır ki, bu da “Dövlət Satınalmaları haqqında” Qanunun tələblərinin pozulması deməkdir.
Bütün bu aşkar olunan faktlara aydınlıq gətirmək məqsədilə apardığmız afraşdırma nəticəsiz qaldı. Regional Su Meliorasiya Xidmətinə ünvanladığımız sorğuya cavab verilmədi. Qurumun qalib seçdiyi MMC-lərdən yalnız “KASKAD – HİDRO M” MMC-nin əlaqə vasitəsini öyrənə bildik ki, şirkət sorğumuza aşağıdakı cavabı verdi:
“Tender prosesi zamanı şirkətin təqdim etdiyi qiymət təklifi Azərbaycan Respublikası “Dövlət Satınalmaları Haqqında” qanunvericiliyinə tam uyğun olub və qanuni çərçivədə qiymətləndirilmişdir. Şirkətin qiymət təklifi təchizat bazarına uyğun olaraq, iqtisadi səmərəlilik prinsiplərinə əsaslanaraq təklif edilmişdir.”
Lakin burada bir suala aydınlıq gətirilməmişdir. “Dövlət Satınalmaları haqqında” Qanun tələb edir ki, təchizatçının təqdim etdiyi təklifin qiyməti ehtimal olunan qiymətlə müqayisədə 20 faizdən aşağı olarsa, satınalma komissiyasının sorğusu əsasında təchizatçının təqdim etdiyi izahat və məlumatlar təhlil edildikdən sonra satınalma müqaviləsinin icrasına əsaslı şübhələr qaldıqda təchizatçı müsabiqədən kənarlaşdırılmaldır.
Yuxarıda qeyd etdiyimiz kimi Regional Su Meliorasiya Xidməti satın alınacaq alət və avadanlıqların ehtimal olunan qiymətini 1.806.946,00 manat müəyyən etmişdir. “KASKAD – HİDRO M” MMC isə 877.955,4 manat təklif edərək qalib seçilmişdir. Burada 1.806.946,00 manat ehtimal olunan qiymətin 20 faizi nə qədər edir və “KASKAD – HİDRO M” MMC-nin təklif etdiyi qiymətin ehtimal olunan məbləğdən neçə faiz aşağı olduğunu qoy mütəxəsislər hesablasın. Burada iqtisadi səmərəlilik prinsipləri iddia oluna bilər. Amma satın alınan malların keyfiyyət göstəricilərinə zəmanət şübhə altında qalır.
Qeyd edək ki, Prezident İlham Əliyevin Azərbaycan Dövlət Su Ehtiyatları Agentliyinin fəaliyyətinin təmin edilməsi ilə bağlı bir sıra tədbirlər haqqında 17.11.2023-0cü il tarixli fərmanı ilə Azərbaycan Meliorasiya və Su Təsərrüfatı Açıq Səhmdar Cəmiyyətinin çevrilmə formasında yenidən təşkili yolu ilə Regional Su Meliorasiya Xidməti yaradılıb.
Regional Su Meliorasiya Xidməti meliorasiya və irriqasiya sahəsində xidmətlər göstərən, dövlət mülkiyyətində olan meliorasiya və irriqasiya sistemlərinin istismarını və mühafizəsini, balansında (istifadəsində) olan su təsərrüfatı obyektlərinin (su anbarlarının, kanalların, boru xətlərinin və s.) istismarını həyata keçirən, həmçinin Azərbaycan Respublikasının rayon və şəhərlərində (Bakı, Sumqayıt, Gəncə, Mingəçevir və Şirvan şəhərləri istisna olmaqla) istehlakçıların məişət (təsərrüfat) – içməli, istehsalat və digər məqsədlər üçün su ilə təmin olunması, yağış və tullantı sularının emalı və axıdılması xidmətlərini göstərən publik hüquqi şəxsdir.
Azərbaycan Dövlət Su Ehtiyatları Agentliyinin sədri Zaur Mikayılovun əmri ilə 26.06.2024-cü ildən Meliorasiya və Su Təsərrüfatı Açıq Səhmdar Cəmiyyəti sədrinin müavini olmuş Zakir Quliyev Regional Su Meliorasiya Xidmətinin rəisi təyin edilib.
Qeyd edək ki, “Meliorasiya və Su Təsərrüfatı” Açıq Səhmdar Cəmiyyətinın vaxtı ilə satınalmalarda yol verdikləri qanunsuzluqlar barədə çox yazılıb. Görünür Meliorasiya və Su Təsərrüfatı Açıq Səhmdar Cəmiyyəti sədrinin müavini olmuş Zakir Quliyev köhnə şakərindən əl çəkə bilmir, köhnə ənənələrini indi də bu formada davam etdirir.

Aktualinfo.org