Beyləqanda zəhərlənənlər evə buraxıldı - AÇIQLAMA
23-06-2022, 14:14 62 dəfə baxılıb
Beyləqanda zəhərlənmə diaqnozu ilə rayon Mərkəzi Xəstəxanasına yerləşdirilən 15 nəfər evə buraxılıb.Əyalətmedia.az xəbər verir ki, bunu Trend-in Qarabağ bürosuna açıqlamasında Beyləqan Mərkəzi Rayon Xəstəxanasının Terapiya şöbəsinin müdiri Şahlar Hüseynov deyib."Zəhərlənən şəxslər xəstəxanaya çatdırılan kimi dərhal intensiv tədbirlər görüldü. Bir nəfər ambulator müalicəyə buraxıldı, 14 nəfər terapiya şöbəsinə yerləşdirildi", - şöbə müdiri qeyd edib.
O bildirib ki, yerləşdirilən zaman zərərçəkmişlərin ümumi vəziyyəti kafi olub:
"İntensiv tədbirlərlə vəziyyətləri yaxşıya doğru dəyişdi. Lakin buna baxmayaraq bir sutka nəzarətdə saxlanıldılar. Daha sonra hər biri evə buraxıldı".
Xatırladaq ki, zəhərlənmə pambıq sahəsində pambıq yığarkən baş verib.
0
Xəbəri paylaş
