Zaqatala səhiyyəsində 103 minlik qəribə tender
30-07-2024, 10:26 101 dəfə baxılıb
Zaqatala Mərkəzi Xəstəxanasının elan etdiyi son tenderə əsasən tibb ocağı 103 min manatlıq dəftərxana və təsərrüfat mallarının satınalmasını həyata keçirəcək. Tribunainfo.az xəbər verir ki, bununla bağlı xəstəxana ilə “PROFMATERIALS” MMMC arasında satınalma müqaviləsi imzalanıb.Qeyd edək ki, Zaqatala rayonunun əhalisinin sayı 124850 nəfərdir. Tender üçün ayrılmış pulla orta hesabla adambaşı 10 diyircəkli qələm, 2 dəftər, bir o qədər də kağız və digər dəftərxana ləvazimatı almaq mümkündür. Təsərrüfat mallarına gəlincə, xəstəxanaya heç də belə böyük məbləğdə mal və məhsul almağa gərək yoxdur. Çünki xəstəxananın ərazisi elə də böyük deyil. Və lazım olan təsərrüfat mallarının da həcmi bir o qədər böyük ola bilməz.
Sual oluna bilər ki, 124 min insana bu qədər dəftərxana ləvazimatı niyə lazımdır? Adətən tenderlərdə maliyyə maxinasiyaları etmək üçün ən yaxşı vasitələrdən biri dəftərxana ləvazimatlarının alınmasıdır. Əgər xəstəxanalar üzrə elan edilmiş tenderlərə diqqət yetirsək, bu kateqoriya üzrə rəqəmlərin xeyli şişirdildiyinin şahidi ola bilərik.
Xatırladaq ki, Zaqatala Mərkəzi Xəstəxanasının baş həkimi Tamara Nurəliyevayadır. O, 2022-ci ildən etibarən bu postu daşıyır.
Xəbəri paylaş
