İrəvanda ABŞ səfiri ilə Lavrov arasında gizli görüş təşkil edilir? - Video
9-06-2022, 11:56 76 dəfə baxılıb
Xəbər verdiyimiz kimi, Rusiyanın xarici işlər naziri Sergey Lavrov iyunun 8-i İrəvana rəsmi səfər edib. Bu gün Ermənistanda XİN-də Lavrovla erməni həmkarı Ararat Mirzoyan arasında görüş keçiriləcək.
“Qafqazinfo”nun “Sputnik Ermənistan”a istinadən məlumatına görə, Lavrov sözügedən görüş üçün nazirliyə gəlməzdən bir qədər əvvəl ABŞ-ın Ermənistandakı səfiri Linn Treysinin XİN-ə gəldiyi məlum olub.
Treysinin Ermənistan XİN-in binasına daxil olduğu anın görüntülərini isə müxalif deputat Aqnessa Xamoyan sosial şəbəkələrdə paylaşıb. Amerikalı səfiri bir neçə nəfərin müşayiət etdiyi də görülüb.
Səfirin hansı məqsədlə XİN-ə gəldiyi açıqlanmayıb. Erməni mediası isə səfirlə Lavrovun Ermənistan XİN-ə az müddət fərqlə gəlməsini birmənalı qarşılamayıb və bunların bir-biri ilə əlaqəli olduğuna eyham vurublar.
Xəbəri paylaş
