"Ermənistan hakimiyyəti Qarabağla bağlı istənilən məsələni müzakirə etməkdən yayınır" - "Past"
6-10-2022, 14:21
Ermənistan hakimiyyəti Qarabağla bağlı istənilən məsələni müzakirə etməkdən yayınır.Əyalətmedia.az xəbər verir ki, bu barədə erməni qəzeti “Past” yazıb. Qəzet yazır ki, oktyabrın 6-da Praqada keçirilən Aİ sammiti çərçivəsində Nikol Paşinyan təkcə Türkiyə Prezidenti ilə deyil, həm də Azərbaycan Prezidenti ilə görüşəcək.
“Bundan başqa, digər formatlarda görüşlərin keçirilməsi də müzakirə olunur. Beləliklə, bir gün əvvəl parlamentdə Nikol Paşinyan “keçmişləri” Qarabağı Azərbaycanın bir hissəsi kimi tanımaqda və ya təslim olmaqda ittiham etməklə yanaşı, həm də dedi: “Mən Praqaya gedirəm, orada mənimlə Azərbaycan Prezidenti, Fransa Prezidenti və Aİ Şurasının sədri ilə dördtərəfli görüş planlaşdırılır.
Türkiyə Prezidenti ilə görüş planlaşdırılır. Heç nə dəyişməsə, bu əsas görüşlər olacaq. Paşinyan onu da qeyd edib ki, bu görüşlər sülh gündəliyinin müzakirəsi məntiqinə uyğundur”, – deyə nəşr yazıb.
Politoloq Ruben Marqaryan hesab edir ki, bugünkü görüşlərdən, eləcə də oktyabrın 14-də Putinlə mümkün görüşdən çox şey asılıdır.
“Əslində bir çox məqamlarda aydınlıq gözlənilir. Bir sıra hadisələr onu göstərir ki, biz su həlledici məqama yaxınlaşırıq və Paşinyan artıq öz seçimini edib”, – deyə Marqaryan bildirib.
O, əlavə edib ki, oktyabr ayı müxtəlif məsələlər baxımından Ermənistan üçün həlledici olacaq.
Hayatsk Analitik Mərkəzinin direktoru Anna Karapetyan danışıqlar və sülh gündəliyi ilə bağlı deyib:
“Əgər əvvəllər söhbət Qarabağın statusu ilə bağlı səviyyəni aşağı salmaqdan gedirdisə, bu gün faktiki olaraq bu səviyyə sıfırlanıb. Ermənistan hakimiyyəti, ümumiyyətlə, Qarabağla bağlı hər hansı məsələləri müzakirə etmək, həll etməkdən yayınır. Ümumiyyətlə, Qarabağın taleyi ilə bağlı məsələlərin həllində özlərini daha məsuliyyətli hesab etməməyə çalışırlar”, – Karapetyan deyib.
Xəbəri paylaş
