Simonyan: "Qarabağ həmişə Azərbaycan ərazisi olub"
22-10-2024, 13:00 92 dəfə baxılıb
Əyalətmedia.az xəbər verir ki, Ermənistan parlamentinin spikeri Alen Simonyan revanşistləti susdurarkən Qarabağın əvvəllər də, indi də Azərbaycanın beynəlxalq səviyyədə tanınmış ərazisi olduğunu söyləyib. "Newsarmenia.am" saytının yazdığına görə, oktyabrın 20-də "Azatyutyun"a müsahibə verən Alen Simonyan Azərbaycanın Ermənistana və Qarabağdakı separatçılara hücum eləmək hüququ olub-olmadığı kimi təxribatçı sualının cavabında deyib: "Qarabağda əməliyyat aparmaq ilə Ermənistan ərazilərini işğal etmək hüquq baxımından fərqli şeylərdir.
Azərbaycan Qarabağda əməliyyat apararkən BMT-nin azı 3-4 qətnaməsinə əsaslanıb".
Bundan sonra Simonyan parlamentdəki çıxış edərkən müxalifətçi Qeqam Manukyan həmin müsahibəni xatırladaraq soruşub: "Azərbaycanın Qarabağa hücum emək hüququnun olduğunu və BMT qətnamələrinin buna imkan verdiyini haradan götürmüsünüz?"
Simonyan cavabında deyib: "Fakt fakt olaraq qalır: həmin ərazilər Azərbaycanın beynəlxalq səviyyədə tanınmış əraziləri olub və indi də olaraq qalır".
Xəbəri paylaş
