"156" evakuasiya şirkətində sürücü kimi çalışdı, işdən çıxdıqdan sonra sənədlərini vermirlər... - MÜRACİƏT
7-06-2024, 11:37 163 dəfə baxılıb
Bakı şəhər sakini Şirinov Hikmət Zakir oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, "156" evakuasiya şirkətində sürücü kimi işləyib, aprel ayının 30-da işdən çıxsa da, şirkət sənədlərini vermir:“Mən, Şirinov Hikmət Zakir oğlu, yazaraq sizdən xahiş edirəm ki, problemimi işıqlandırasınız.
Bildirim ki, 1 il 6 ay müddətində Aqil Zeynalova məxsus "156" evakuasiya şirkətində sürücü kimi işləmişəm. İşlədiyim müddətdə rəhbərliklə heç bir problemim olmayıb. Aprel ayının 30-da işdən çıxmışam.
İşdən çıxdıqdan sonra rəhbərlik mənim əmək haqqımı və sənədlərimi verməkdən boyun qaçırır. Şirkətin rəhbəri Aqil Zeynalov və qaraj müdiri Emin Ağayev deyir ki, "get hara, kimə istəyirsən şikayət et".
Məsələ ilə bağlı kimə, hara şikayət edəcəyimi bilmirəm. İş müddətində mənim nə qaraj müdiri, nə də rəhbərlə heç bir problemim olmayıb”.
Xəbəri paylaş
