“Natiq Ağayev söz versə də, əməl etmədi” – GÖYÇAY SAKİNİ İCRA BAŞÇISINDAN ŞİKAYƏTÇİDİR / VİDEO

 

Göyçay rayonu, Ərəbcəbirli kənd sakini Xasıyev Sadəddin Nizam oğlu tərəfindən  şikayət məktubu daxil olub. Onun məktubunu olduğu kimi dərc edirik:
“Üzləşdiyimiz problemin aradan qalıdırlması üçün Göyçay Rayon İcra Hakimiyyəti başçısı Natiq Ağayevə dəfələrlə müraciət etsək də, heç bir tədbir görmək istəmir. Hətta bir dəfə icra başçısı ərazidə olub baxış keçirib, yaranmış acınacaqlı mənzərəni gözləri ilə görüb.
Belə ki, bizim yaşadığımız küçənin yoluna bir neçə il bundan əvvəl yəhudilər öz vəsaitləri hesabına asfalt çəkdirdilər.Çünki bizim küçənin sonunda yəhudi qəbirstanlığ var. Bundan az sonra su çəkilməsi adı ilə Su-kanal İdarəsi orada qazıntı ilşəri apararaq, yolu tamamilə dağıdıb, bərbad vəziyyətə saldılar. Həmçinin yaxınlıqda olan dərəyə görə yağan yağışın suları mənim və qonşuların həyətinə dolur, küçə tamam lilə-palçığa bürünür deyə hərəkət etmək olmur. Bununla bağlı dəfələrlə icra başçısı Natiq Ağayevin qəbulunda olmuşuq, müraciətlər etmişik, hər dəfə problemin həll ediləcəyinə söz versə də, heç bir tədbir görməyib. Kənd icra nümayəndliyi və bələdiyyəsi isə vəsaitlərinin olmadığını bildirirlər.
Hazırda yağan yağışlar mənim, qonşuların həyətinə və evlərin altına dolub deyə uçma təhlükəsi ilə üz-üzə qalmışıq.Həyat və sağlamlığımız ciddi təhlükə altındadır.
Bizim kənddə yəhudilər əvvəllər yaşayıblar orada onların qəbirstanlıqları var. Ancaq uzun illərdi yəhudilər Göyçayda yaşmırlar. Buna baxmayaraq onlar bir neçə il əvvəl Göyçaya gəlib qəbirstanlıqlarının yoluna asfalt çəkdiriblər. Bizim vəzifəli məmurlarımız isə həmin yolu dağıdıb pis günə qoyublar.Azərbaycan tolerant ölkə olsada Göyçayda vəzifəli şəxslər buna əməl etmirlər. 
Mən Prezident cənab İlham Əliyevdən xahiş edirəm, şikayətimi yerində araşdırıb, təcili tədbirlər görülməsinə tapşırıq verəsiniz”.

Hurriyyet.az 

---

---