“Ferrum Capital” şirkətinin problemli kreditləri sürətlə artır - NƏ BAŞ VERİR?
21-10-2024, 12:54 118 dəfə baxılıb
Faktorinq biznesi ilə məşğul olan “Ferrum Capital” şirkəti bu həftə 263 müştərisini müqavilə öhdəliklərini yerinə yetirmədiyinə görə məhkəməyə verib...Poliqon xəbər verir ki, bu göstərici oktyabrın 17-də 151 olsa da, oktyabrın 18-də 263-ə qədər artıb.
Ümumilikdə isə “Ferrum Capital”ın məhkəmələrdə 1251 iddası var və bu iddalara müxtəlif instansiya məhkəmələri baxır. Qeyd edək ki, ötən həftə “Ferrum Capital”ın problemli kreditlərlə bağlı məhkəmələrinin ümumi sayı 1198 olub.
Bir gün ərzində məhkəmə işlərinin bu qədər artması onu deməyə əsas verir ki, “Ferrum Capital” öz müştəri və tərafdaşları ilə ödəniş məsələləri ilə bağlı problemlər yaşamaqdadır.
Xatırladaq ki, “Ferrum Capital” 2017-ci ildə yaradılıb və 2 000 manat nizamnamə kapitalı var. Şirkətin təsisçisi və Müşahidə Şurasının sədri Mohammad Reza Habib Zadeh-dir.
Qadir Cavadov isə “Ferrum Kapital” QSC-nin Baş icraçı direktoru (CEO) vəzifəsini icra edir.
“Ferrum Kapital” şirkəti “AGA Group”nun nəzdində fəaliyyət göstərir.
Şirkətin veb saytında bildirilir ki, “Ferrum Capital” ölkənin ilk müstəqil faktorinq şirkətidir. Məqsəd faktorinq xidməti sayəsində sahibkarlara maliyyə dəstəyi göstərməkdir.
Poliqon.info
Xəbəri paylaş
