Kanalizasiya suları evləri basdı, səlahiyyətli qurumlar isə susur - VİDEO
29-10-2024, 11:48 111 dəfə baxılıb
Bakı şəhəri, Sabunçu rayonu, "Zabrat 2" qəsəbəsi, Tramvaynaya küçəsi 116 ünvanında yaşayan sakinlər tərəfindən Hurriyyet.az saytının redaksiyasına şikayət məktubu daxil olub. Sakinlər iddia edirlər ki, kanalizasiya suları evlərini bassa da, onların bu vəziyyəti heç bir rəsmi qurumu narahat etmir:“Artıq kimə, hara şikayət edəcəyimizi bilmirik. Kanalizasiya, yəni çirkab sularının axıdıldığı kanal partlayıb. Bütün evlər, həyətlər çirkab suları və mazut tullantıları ilə dolub. Aidiyyəti qurumlara müraciət etsək də, heç kəs maraqlanmır. Odur ki, sizdən kömək istəmək məcburiyyətində qaldıq.
Xahiş edirik ki, bizim müraciətimizi səsimizi eşitmək istəməyənlərə çatdırın”.
Məsələ ilə bağlı İri Şəhərlərin Birləşmiş Su Təchizatı Xidmətindən "Hürriyyət"ə bildirilib ki, qeyd olunan ünvanda yağış və çirkab sularının həyətlərə yığılmasına səbəb intensiv yağışlardır: "Xətdə tutulma yoxdur, xətlərdə həddindən artıq yüklənmə olduğuna görə nasosxana çatdırmır".
Hurriyyet.az
Şikayətçilərin redaksiyamıza göndərdiyi videoları olduğu kimi dərc edirik:
Xəbəri paylaş
