Mərkəzi Bank “Sara Qrup”u valyuta qaydalarını pozduğu üçün cərimələyir
26-11-2024, 11:44 105 dəfə baxılıb
“Sara Qrup” QSC cərimələnir.Banker.az xəbər verir ki, barəsində İnzibati Xətalar Məcəlləsinin 430.4-cü maddəsi ilə cərimə protokolu tərtib edilib, məhkəməyə göndərilib.
Bu maddə İXM-də valyuta tənzimi qaydaları pozulmasına görədir. İşə Yasamal Rayon Məhkəməsində baxılacaq, hakim isə Orxan Məmmədlidir.
Belə ki, avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə, hüquqi şəxslər inzibati xətanın obyekti olmuş valyuta vəsaiti məbləğinin 20 faizindən 30 faizinədək məbləğdə cərimə edilir.
Şirkət nə zaman cərimələnir?
Sahibkar müqavilə bağlayaraq, xarici şirkətə ödəniş edib, sövdələşdiyi vaxt yox, 2 il müddət çərçivəsində malı həmin şirkətdən ya almalı, ya da ödədiyi maliyyə vəsaitini geri qaytarmalıdır. Bunlara əməl etmək mümkün olmadıqda isə sahibkarlara Azərbaycan Respublikası Mərkəzi Bankı tərəfindən, müqavilə məbləğinin 20-30 faizi civarında cərimə protokolu tərtib olunur.
Xatırladaq ki, müəssisənin fəaliyyət istiqaməti gübrələr, toxumlar, mikroelementlər, bitki mühafizə vasitələri, pestisidlər, heyvan yemləri və digər kənd təsərrüfatı məhsulları idxal edərək kənd təsərrüfatı müəssisələrinə və fermerlərə xidmət göstərməkdir. Hazırda Rusiyanın “Phosagro”, Polşanın “İntermag”, Slovakiyanın “Duslo” və digər ölkələrin bir çox şirkətləri ilə əməkdaşlıq edərək, kənd təsərrüfatı subyeklərini keyfiyyətli məhsullarlarla təmin etməkdədir.
Xəbəri paylaş
