Əmək hüquqlarını pozduğu bildirilən şirkəti yüksək məbləğdə cərimə gözləyir
4-12-2024, 12:02 84 dəfə baxılıb
"Memar Group" MMC-yə inzibati protokol yazılıb. Pravda.az-ın xəbərinə görə, protokol Dövlət Əmək Müfəttişliyi Xidməti tərəfindən İnzibati Xətalar Məcəlləsinin 192.1-ci (Azərbaycan Respublikasının Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxsləri hər hansı işlərin (xidmətlərin) yerinə yetirilməsinə cəlb edilməsinə görə fiziki şəxslər min manatdan iki min manatadək məbləğdə, vəzifəli şəxslər üç min manatdan beş min manatadək məbləğdə, hüquqi şəxslər iyirmi min manatdan iyirmi beş min manatadək məbləğdə cərimə edilir) maddəsinə əsasən tərtib olunub.
İş Qobustan Rayon Məhkəməsinin hakimi Samir İsmayılovun icraatındadır.
Xəbəri paylaş
