“Kliniki Tibbi Mərkəz” məhkəməyə verildi

 

“Kliniki Tibbi Mərkəz”lə bağlı məhkəməyə müraciət olunub.
Tribunainfo.az xəbər verir ki, klinika ilə bağlı iddianı zərərçəkən Hacıyeva Mədinə Tapdıq qızı qaldırıb. Klinika ilə birgə prosesə Osmanlı Zeynəb İsmayıl qızı da cəlb edilib.
İşin mahiyyəti mülki hüquq pozuntularından əmələ gələn öhdəliklər üzrə mübahisədir. İddiaçı ona dəymiş maddi və mənəvi zərərin ödənilməsini tələb edir.
Klinika ilə bağlı iş baxılması üçün Nəsimi rayon Məhkəməsinə göndərilib. Prosesə növbəti ilin yanvar ayının 14-də baxılacaq.

Qeyd edək ki, məhkəməyə verilən “Kliniki Tibbi Mərkəz”in direktoru Ələkbərov Könül Fidayıl oğludur. Klinikanın baş həkimi isə Məsimov Hüseyn Məcid oğludur.
Tərəflərin mövqeyini işıqlandırmağa hazırıq.

---

---