ETSN-nin nəzərinə: Meşə torpaqları necə zəbt olunur?

 

Respublikanın meşələri gündən-günə keçəlləşir,  təbii bərpaya qulluq və əkinlərə xidmət adıyla ildə dövlət büdcəsindən milyonlarla vəsait göyə sovrulur,  amma nəticə etibarı ilə arada heçnə yoxdur.

Dövlət meşə fondu torpaqlarının  10% dan çoxu zəbt altındadır. Hazırda həmin zəbtlər gizlədilir və onların uçotu bəzi işbaz məmurlar tərəfindən düzgün aparılmır.

Meşə ərazilərində  qanunsuz  mal-qara  tövlələri, fərdi yaşayış evləri, istirahət mərkəzləri, ticarət obyektləri, balıqçılıq gölləri və s. salınmışdır və hazırda da salınmaqdadır.

Eyni zamanda dövlət meşə fondu ərazilərində   həmişə olduğu kimi, bu gündə da kənd təsərrüfatı bitkiləri əkilir,  bu isə bəzi işbaz, dırnaq arası məmurların gəlir mənbəyinə çevrilir.

Bərdədən  Əyalətmedia.az-ın redaksiyasna  daxil olan məlumatda bildirilir ki,  Bərdə Regional nin dövlət meşə fondu  torpaqlarında kənd təsərrüfatı bitkiləri (pambıq,  yonca, qarpız və s)  elə oranın işçilərinin razılığı alınaraq əkilir və həmin ərazilərdə 10 dan çox mal-qara 
tövlələlərində xırda və iribuynuzlu mal-qara saxlanılır. 
Həmin yerlərdən biri Bərdə rayonunun Mirasəfli  kənd yaxınlığında olan dövlət meşə ərazisində ölçüləri;  10m×32m;
koordinatlar: 
x-67879,  y-4480400;

ölçüləri;  6m×10m,  23m×4m,   23m×4m,  5m×20m
koordinat:
x-6770014,  y-4480650

mal-qara tövlələri mövcuddur.
"Həmin ərazidə saxlanılan mal-qara bir başa meşədəki təbii bərpaya ziyan vurur"- deyə, şikayətçilər qeyd edir.

Bizi izləməkdə davam edin,  növbəti yazılarımızda Bərdə Regional Meşə Təsərrüfatı Mərkəzində olan digər zəbt və qanunsuz  əkilmiş kənd təsərrüfatı bitkiləri  barəsində geniş və ətraflı məlumat verəcəyik.

Qarşı tərəfin mövqeyin həmişəki kimi dinləyib dərc etməyə hazırıq.

---

---