Fuad Nəcəflinin ƏCAİB STATİSTİKASI... - Rəqəmlər bir başqa... reallıq tamam başqa...
19-12-2024, 13:13 106 dəfə baxılıb
Fuad Nəcəfli Naxçıvanda vəzifəyə gəldikdən sonra özəl sektorun təxminən 80 faizi fəaliyyətini dayandırıb, 50 min iş yeri bağlanıb. Dövlət Statistika Komitəsinin rəsmi rəqəmlərindən bu nəticəyə gəlmək olar. Buna baxmayaraq, Nəcəfli bildirib ki, Naxçıvan büdcəsində yerli gəlirlərin payı iki dəfə artır.2022-ci ilə qədər Naxçıvanda vergi daxilolmaları təxminən 100 milyon manat idi. Onun sözlərindən aydın olur ki, hazırda bu rəqəm 200 milyon manata çatdırılır. Amma, müəssisələrin bağlanması və yenilərinin açılmaması fonunda bu artımın necə əldə ediləcəyi sual doğurur. Fuad Nəcəfli artımın konkret səbəbləri barədə açıqlama verməyib.
Sizcə, vergi gəlirlərindəki bu 100 milyon manatlıq artımın səbəbi nə ola bilər?
Açıqlamanı Fuad Nəcəfli dünən Naxçıvan şəhərində keçirilən Maliyyə Forumunda verib. O, öz çıxışnda Naxçıvanın dotasiyadan asılılığının azaldılmasının vacib olduğunu vurğulayıb:
"Son 2 ildə muxtar respublikada yeni idarəetmə metodlarının tətbiqi ilə aparılan islahatlar maliyyə sektorunu da əhatə edib. Dövlət başçısının tapşırıqlarına uyğun olaraq maliyyə intizamının gücləndirilməsi, büdcənin düzgün tərtib və icra edilməsi, yerli gəlirlərin artırılması və dotasiyanın azaldılması istiqamətində ardıcıl işlər aparılır. Əgər 2 il əvvəl Naxçıvan büdcəsində yerli gəlirlərin payı 20-25 % idisə, bu ilin sonunda 50 %-dən çox olacaq."
"Gündəılik Naxçıvan"
Xəbəri paylaş
